Paşinyan Fransada Əliyevə təşəkkür etdi: Bu kürsüdən bəyan edirəm ki...

Səkkiz aydır ki, Ermənistan-Azərbaycan sərhədində tam sülh bərqərar olub və 2025-ci il müstəqilliyimizdən bəri, yəni 1991-ci ildən bəri Ermənistanla Azərbaycan arasında atışma nəticəsində heç bir itki və ya yaralanmanın olmadığı ilk təqvim ilidir.

Publika.az xəbər verir ki, bunu bu gün, 11 martda Strasburqda Avropa Parlamentində çıxışında Ermənistan Respublikasının Baş naziri Nikol Paşinyan bildirib.

O, xüsusilə qeyd edib: “Sərhəd kəndlərinin sakinləri bir neçə aydır ki, atəş səsi eşitmirlər. Üstəlik, müstəqillikdən bəri ilk dəfə olaraq, 2025-ci ilin noyabr ayında qatar Azərbaycan və Gürcüstan ərazisindən keçərək Ermənistan Respublikasına çatıb. Bu, Azərbaycan Prezidentinin 2025-ci ilin oktyabr ayında Azərbaycandan Ermənistana dəmir yolu ilə səyahətə qoyulan məhdudiyyətlərin aradan qaldırılacağını elan etməsindən sonra baş verib və mən bu qərara görə Azərbaycan Prezidentinə minnətdaram.

Bu kürsüdən rəsmi olaraq bəyan edirəm ki, Ermənistan TRIP layihəsini əngəlləmək niyyətində deyil, çünki layihə Ermənistan Respublikasının qısa, orta və uzunmüddətli maraqlarına tam cavab verir və yuxarıdakı sitatlardan da göründüyü kimi, heç bir şəkildə Ermənistan Respublikasının suverenliyinə, ərazi bütövlüyünə və ya yurisdiksiyasına xələl gətirmir”.

Tural