Moskvadan Bakıya mesaj: Bu əlaqələri bərpa etməyin vaxtıdır

Rusiya ilə Azərbaycan arasında son zamanlar zəifləyən mədəni və humanitar əlaqələrin canlandırılmasına ehtiyac var.

Publika.az xəbər verir ki, bunu Rusiya Xarici İşlər Nazirliyinin MDB ölkələri üzrə Dördüncü Departamentinin direktoru Mixail Kalugin TASS agentliyinə verdiyi müsahibədə bildirib.

Diplomat vurğulayıb ki, sıx mədəni və humanitar əlaqələr olmadan tam hüquqlu ikitərəfli əməkdaşlığı təsəvvür etmək mümkün deyil. "Təəssüf ki, son zamanlar bunlar azalmaqdadır və indi onları yenidən canlandırmağın vaxtıdır", - deyə o qeyd edib.

"Bizim Sankt-Peterburq Dövlət Universitetində birgə universitet yaratmaq və iki ölkənin Moskva və Bakıdakı səfirliklərində məktəblərin yaradılması kimi perspektivli layihələrimiz var. Ümid edirik ki, tezliklə rAzərbaycanda Rusiya İnformasiya və Mədəniyyət Mərkəzini bərpa edəcəyik. Rusiya və Azərbaycanda ölkələrimizin görkəmli şəxsiyyətlərinə abidələrin birgə qoyulması üçün ideyalar var", - deyə Kalugin bildirib.

Onun sözlərinə görə, ictimai tələbat bədii qrupların qastrol səfərlərinin bərpasına və gənclər və regionlararası forumların müntəzəm keçirilməsinə yönəlib.

"Bir sözlə, görüləsi çox iş var. Hər iki tərəfin bu sahədə səyləri artırmağın və itirilmiş vaxtı kompensasiya etməyin vacibliyini anlaması vacibdir", - deyə diplomat vurğulayıb.

Müəllif: Tural