Paşinyandan Azərbaycan və Türkiyəyə müraciət: Bu sektorda birləşəyin

Ermənistanın Baş naziri Nikol Paşinyan Avropa Komissiyasının sədri Ursula fon der Leyen ilə birgə mətbuat konfransında iki qonşu ölkə - Türkiyə və Azərbaycanla enerji əməkdaşlığının dərinləşdirilməsinin vacibliyindən danışıb.

Publika.az xəbər verir ki, Ermənistan hökumətinin başçısı vurğulayıb ki, yeni elektrik xətlərinin çəkilməsi də daxil olmaqla, bu sektorda əlaqənin inkişaf etdirilməsi həm enerji təchizatının etibarlılığının artırılmasında, həm də ətraf mühitə keçidin sürətləndirilməsində əsas amilə çevrilə bilər. O, qeyd etdi ki, bu cür layihələr bütün iştirakçılara fayda verə bilər.

Paşinyan Qara dənizin dibi boyunca elektrik kabeli çəkmək layihəsinə xüsusi diqqət yetirərək, İrəvanın bu təşəbbüsdə iştirak etməkdə maraqlı olduğunu bildirib. Baş nazir enerji ilə yanaşı, Ermənistanın rəqəmsallaşdırma sahəsində əməkdaşlığı genişləndirmək istəyini də qeyd edib ki, bu da onun fikrincə, regional inteqrasiyanın ümumi mənzərəsini tamamlayır.

Müəllif: Tural