Azərbaycanın Vyetnamda səfiri Türk Mədəniyyəti və İrsi Fondunu ziyarət etdi - FOTO

27 iyul 2026-cı il tarixində Azərbaycan Respublikasının Vyetnam Sosialist Respublikasında fövqəladə və səlahiyyətli səfiri cənab Şövqi Mehdizadə Türk Mədəniyyəti və İrsi Fondunun mənzil-qərargahını ziyarət edərək, Fondun prezidenti, professor Aktotı Raimkulova ilə görüşüb.

Publika.az xəbər verir ki, görüş zamanı Türk Mədəniyyəti və İrsi Fondunun fəaliyyəti, türk xalqlarının zəngin mədəni irsinin qorunması, tədqiqi və beynəlxalq səviyyədə təbliği istiqamətində həyata keçirilən layihələr barədə ətraflı fikir mübadiləsi aparılıb.

Tərəflər türk mədəni irsinin Vyetnamda tanıdılması və təşviqi üçün mövcud imkanları müzakirə ediblər. Bu istiqamətdə mədəni tədbirlərin və digər birgə təşəbbüslərin həyata keçirilməsinin əhəmiyyəti vurğulanıb.

Görüşdə, həmçinin Türk Mədəniyyəti və İrsi Fondu ilə Azərbaycan Respublikasının, o cümlədən digər Türk dövlətlərinin Vyetnamdakı Səfirlikləri arasında gələcək əməkdaşlıq perspektivləri nəzərdən keçirilib, qarşılıqlı maraq doğuran sahələr üzrə birgə fəaliyyət istiqamətlərinin müəyyən edilməsinin vacibliyi qeyd olunub.