Azərbaycan XİN-dən mina partlayışları ilə bağlı paylaşım - FOTO

Azərbaycan Xarici İşlər Nazirliyi mina partlayışları ilə bağlı "X" sosial şəbəkə hesabında paylaşım edib.

Publika.az xəbər verir ki, paylaşımda Azərbaycanda son iki gün ərzində iki mina partlaytışının baş verməsi qabardılıb.

"Ardıcıl iki gün. İki mina partlayışı. Üç mülki şəxs yaralanıb", - paylaşımda bildirilib.

Qeyd olunub ki, 2020-ci il müharibəsinin sonundan bəri Azərbaycanda 436 nəfər minaların qurbanı olub:

"Bu faciəvi hadisələr münaqişənin ölümcül mirasının həyatları təhdid etməyə, yenidənqurma işlərini ləngitməyə və məcburi köçkünlərin təhlükəsiz qayıdışını əngəlləməyə davam etdiyini bariz şəkildə xatırladır".

Xatırladaq ki, avqustun 12-də Xocavənddə, 13-də isə Kəlbəcərdə mina partlayışı baş verib.

Two consecutive days. Two landmine explosions. Three civilians injured.

Since the end of the 2020 war, people have fallen victim to landmines in Azerbaijan.

These tragic incidents are a stark reminder that the deadly legacy of conflict continues to threaten lives,… pic.twitter.com/U9eeyfblaM

— MFA Azerbaijan (@AzerbaijanMFA) August 13, 2026