Nobel Sülh mükafatının builki sahibi bəlli oldu - FOTO

2026-cı il Nobel Sülh mükafatı Cənubi Afrikada anadan olmuş hüquqşünas və insan hüquqları müdafiəçisi Navi Pillaya verilib.

Publika.az xəbər verir ki, 85 yaşlı Navi Pillay beynəlxalq hüququn möhkəmləndirilməsi və sülhün təşviqi istiqamətində fəaliyyətinə görə mükafatlandırılıb. Norveç Nobel Komitəsi bildirib ki, beynəlxalq hüquq sistemi ciddi təzyiqlərlə üzləşdiyi bir dövrdə onun fəaliyyəti xüsusi əhəmiyyət daşıyır.

Navi Pillay uzun illər beynəlxalq hüquq sahəsində çalışıb. O, Ruanda üzrə Beynəlxalq Cinayət Tribunalında hakim, Beynəlxalq Cinayət Məhkəməsində isə hakim kimi fəaliyyət göstərib. 2008-2014-cü illərdə BMT-nin insan hüquqları üzrə ali komissarı vəzifəsini tutub.

Pillay, həmçinin işğal olunmuş Fələstin əraziləri üzrə BMT-nin Müstəqil Beynəlxalq Təhqiqat Komissiyasına rəhbərlik edib. Komissiyanın 2025-ci ildə yayımladığı hesabatda İsrailin Qəzza zolağında soyqırımı törətdiyi qənaətinə gəlinib. İsrail bu ittihamları rədd edib.

Nobel Sülh mükafatının təqdimetmə mərasimi dekabrın 10-da Osloda keçiriləcək. Mükafatın pul məbləği 12 milyon İsveç kronudur.

Müəllif: Adəm