Kartdan karta köçürülmələrdə komissiya tutulacaq

Xəbər verildiyi kimi, Azərbaycanda aprelin 1-dən kartdan- karta pul köçürmələri üzrə yeni xidmət haqqı tarifləri müəyyən edilib.

Publika.az xəbər verir ki, Banklararası Kart Mərkəzində (BKM) emal olunan kartdan köçürmə və karta köçürmə əməliyyatları üzrə xidmət haqları köçürülən vəsaitin məbləğinə uyğun müəyyən edilib.

Milli valyutada həyata keçirilən əməliyyatlara görə aşağıdakı xidmət haqları tətbiq ediləcək:

- 100 manatadək köçürmələr – 3 qəpik;

- 100,01–1000 manat – 10 qəpik;

- 1000,01–10 000 manat – 50 qəpik;

- 10 000,01–40 000 manat – 2 manat;

- 40 000 manatdan yuxarı – 4 manat.

Hökumət Ödəniş Portalı üzrə göndərilən ödəniş sərəncamlarının icrasına görə isə tarif dərəcəsi aşağıdakı kimi olacaq:

- 100 manatadək köçürmələrdə – 3 qəpik;

- 100,01–1000 manat – 10 qəpik;

- 1000,01–10 000 manat – 1 manat;

- 10 000,01–40 000 manat – 4 manat;

- 40 000 manatdan yuxarı – 8 manat tutulma olacaq.

Dollarla edilən ödənişlərə də tarif dərəcəsi müəyyən edilib:

- 100 dollara qədər köçürmələrdə - 0.2 dollar;

- 100.1 – 1000 dollar – 0.5 dollar;

- 1000.1 – 10000 dollar – 2 dollar;

- 10000.1 – 40000 dollar – 10 dollar;

- 40000.1 dollardan yuxarı – 20 dollar tutulma olacaq.