• USD 1,7000 0,00% EUR 1,9423 -0,28%
    • GBP 2,2312 -0,03% RUB 0,0257 0,00%

ÇEVRİLİŞ PLANI: Türk kəşfiyyatçılar bir-birinə qarşı döyüşür

  • Digər
  • 23 İyul 2016 16:18
  • 1 694 Baxış
ÇEVRİLİŞ PLANI: Türk kəşfiyyatçılar bir-birinə qarşı döyüşür

Türkiyədə 15 iyul gecəsi dünyanın ən güclü hərbi birliklərindən olan Sualtı Hücum Komandanlığında (SAT) baş verənlərin detalları ortaya çıxıb.

Publika.az “Milliyet”ə istinadən xəbər verir ki, SAT-ın polkovnik rütbəli komandiri dövlət çevrilişinə cəhd olduğunu anlayaraq, Ankaranı ələ keçirən qiyamçıların əmirlərinə əməl etməyəcəyini deyib. Həmin vaxt evlərində olan komandoslar da birliyə çağırılıb və birliyin qiyamçıların əlinə keçməməsi üçün tədbirlər görülüb.

Birliyin tərkibində olan 7 zabitin qiyamçılar tərəfində olduğu ortaya çıxandan sonra SAT komandosları onları həbsə atıb. İlkin dindirmədə məlum olub ki, SAT komandanlığından 19 nəfər mühafizə adı altında çevriliş planının idarə olunduğu Akıncı bazasına gedib. İki SAT komandosu isə Ərdoğana qarşı hazırlanan sui-qəsdə iştirak edib.

Bütün məlumatlar lazımi qurumlara çatdırılandan sonra Akıncı bazasından qayıdan 4 komandos həbs olunub.

Birliyin 27 əməkdaşının çevriliş cəhdində iştirak etdiyi məlum olub. Onlardan 22-si polisə təhvil verilib. Beşi isə fərarilik edib. Hazırda SAT komandosları fərari olan 5 nəfərin axtarışını aparır.

Asif

Загрузка...

Oxşar xəbərlər

Xəbər lenti

DAHA ÇOX XƏBƏR
/body>