Paranormal

GÜNÜN FOTOSU: NASA Marsın bu möhtəşəm görüntülərini ilk dəfə paylaşdı

25 Aprel 2019 12:08

ABŞ Milli Aeronavtika və Kosmos İdarəsi (NASA) Mars planetindəki “Cerberus Fossae” oyuqlarının yaxından görüntüsünü paylaşıb.

Publika.az xəbər verir ki, görüntülər “Qırmızı planet”in kəşfiyyat peyki olan “Mars Reconnaissance Orbiter” (MRO) vasitəsilə əldə edilib.

Marsın 11 dərəcə şimal enliyi ilə 160 dərəcə qərb uzunluğu üzərində yerləşən oyuqların yamac hissələri “kütlənin tükənməsi” adı verilən torpaq sürüşmələrinə məruz qalıb.

Fotolarda görünən mavi rəngli hissələrdə səthə yaxın bölgələrdə sərt təbəqələrdən qopan qayaların oyuğun içinə doğru tökülməsi müşahidə olunur. Dibdəki qara yamac cizgilərinin incə quruluşlu daş və torpağın aşağı sürüşməsi nəticəsində əmələ gəldiyi bildirilir.

Qeyd edək ki, MRO Yer planetindən Marsa 2005-ci ildə göndərilib. Peyk 10 mart 2006-cı ildən bəri Marsın orbitində kəşfiyyat aparır.

Zümrüd