Şahnazaryandan DƏHŞƏTLİ QARABAĞ ETİRAFLARI: Şuşada muğam oxundu, bundan sonra... - - VİDEO

Video əlavə olunub.

xxx

“2 və ya 3 oktyabr tarixində Cəbrayılı itirmişdik və Moskvadan Paşinyanın döyüş əməliyyatlarını dayandırmaq təklifi aldığını bilirdik. Yeri gəlmişkən, döyüş əməliyyatları müddətində Moskvadan gələn ən azı 4 təklifdən xəbərdaram. Bu, dəqiq bildiyim minimum rəqəmdir.

Azərbaycan nə qədər irəliləsə, şərtlər hər dəfə daha da pisləşdi. Bütün bu müddətdə vəziyyət cəmiyyətə elə bir şəkildə təqdim edildi, sanki biz qalib gələcəyik, hücum edirik... O zaman da hərbi qərarların komandanlıq bunkerində verildiyi açıq idi. Ordu siyasətçilər tərəfindən idarə olunurdu”.

Publika.az xəbər verir ki, bu sözləri “Sputnik Ermənistan”a müsahibəsində Ermənistan milli təhlükəsizlik xidmətinin keçmiş rəhbəri və Ermənistan prezidentinin Qarabağ tənzimlənməsi üzrə keçmiş xüsusi nümayəndəsi (1994-1995) David Şahnazaryan deyib.

O bildirib ki, Nikol Paşinyanın Ermənistanın baş naziri kürsüsünə oturduğu ilk gündən istefasını tələb edib: “Ona güc strukturlarının məqsədyönlü şəkildə necə məhv edildiyini izah etməyə çalışdım və burada söhbət yalnız milli təhlükəsizlik xidmətindən getmirdi. Söhbət hüquq-mühafizə orqanları və ordudan gedirdi. Dövlət mexanizmində başlanmış qanunsuz proseslərdən bəhs etdim.

Qarabağa gəlincə, o zaman artıq Paşinyanın Serj Sarkisyanın o vaxt rədd etdiyi razılaşma layihəsinə belə nail olmayacağı bəlli idi. Ümumiyyətlə, 1997-ci ildə təklif etdiyimiz mərhələ-mərhələ həyata keçiriləcək bədbəxt layihəni belə həyata keçirmək mümkün deyildi. Bundan sonra Paşinyanı məqsədyönlü və ardıcıl olaraq siyasət yürütmək barədə xəbərdar etdim. Bildirdim ki, Azərbaycanın müharibəyə başlamaq üçün getdikcə daha çox səbəbi yaranır”.

D.Şahnazaryan qeyd edib ki, müharibənin ilk günü Xankəndidə imiş: “Cəbhənin vəziyyəti barədə onsuz da bir qədər məlumatım var idi, amma orada olanda təşkilatlanma problemlərin olduğunu anladım. Məsələn, könüllülərdən o qədər zəif istifadə olunurdu ki, bu, tamamilə cinayət idi. Elə o zaman Paşinyanın xain siyasəti məqsədyönlü şəkildə həyata keçirdiyi aşkar oldu. Qayıdanda rəsmi açıqlama verdim”.

Sabiq rəis xatırladıb ki, 6 oktyabrda baş nazir yüksək səslə əks-hücum hazırladıqlarını və böyük qələbə astanasında olduğunu elan edib: “Azərbaycanın sürətli məğlubiyyətinə söz verdi. Cəbrayılda hazırlanan əks-hücumdan bəhs olunurdu. Lakin bəzi generallar inadla etiraz etdilər və heç bir halda bunun edilməməli olduğunu söylədilər. Bu vəziyyətdə yeni müdafiə mövqeləri, birinci, ikinci, üçüncü müdafiə xətləri hazırlamaq lazım idi. Lakin biz döyüş meydanında artıq bütün səmanı itirmişdik. İsrail pilotsuz təyyarələri zirehli maşınlarımızı tamamilə məhv etmişdi. İrəvanın üzə çıxacağını düşünürdüm. Amma yox. Bu baş vermədi... Ötən gün dostlar məndən ətraflı şərh istədilər. Onlara dedim ki, Şuşada muğam oxunur. Başqa necə izah etmək olar?”

D.Şahnazaryan məğlubiyyəti utancverici təslim adlandırıb: “Amma ən dəhşətlisi budur ki, indi də Paşinyan və komandası hakimiyyətdən yapışırlar. Siyasi repressiya zəncirinə başladılar. Cəmiyyətimizə elə gəlir ki, müharibənin bitdiyi yer budur”.

O, Nikol Paşinyan barədə vətənə xəyanət maddəsi ilə istintaqa cəlb olunması tələbi ilə baş prokurorluğa müraciət etdiyini bildirib.

Zümrüd