Hərbi ekspert “gənc əsgər” iddialarını izah etdi

“Dörd ay hərbi xidmətdə olan şəxs gənc əsgər hesab edilmir”.

Publika.az xəbər verir ki, bu sözləri hərbi ekspert Şair Ramaldanov son günlər sosial şəbəkələrdə açılan müzakirələrə münasibət bildirərkən deyib.

Ekspert qeyd edib ki, sosial şəbəkədə bu tip müzakirə aparan şəxslərin özləri gənc əsgərin kimə deyildiyini bilmir:

“Dörd ay hərbi xidmətdə olan şəxs gənc əsgər hesab edilmir. Bu, təkcə bizdə deyil, bütün ölkələrdə belədir. Ümumiyyətlə, Azərbaycan Ordusunda əsgərlərimiz üç ay qarantin müddətindən sonra öz vəzifələrini icra edirlər. Bu üç ay ərzində onlar gənc əsgər sayıla bilər. Nəzərə alsaq ki, ali məktəbi bitirən çağırışçılarımız bir il hərbi xidmət keçməlidir. Əgər o, dörd aydan sonra da gənc əsgərdirsə, onda əsgər nə vaxt olacaq? Yəni bu, bir az məntiqsiz yanaşmadır”.

Qeyd edək ki, Qarabağda qalan separatçı-terrorçuların təxribatı nəticəsində ordumuzun hərbi qulluqçusu Anar Kazımovun şəhid olmasından sonra “gənc əsgər” məsələsi üzərindən müzakirələr aparılır.