Qarabağ

Azərbaycan Prezidenti və xanımının Laçın səfəri erməniləri yandırıb-yaxıb - FAKT

26 Avqust 2023 14:08

Bu gün, avqustun 26-da Azərbaycan Prezidenti İlham Əliyev xanımı Mehriban Əliyeva ilə birlikdə Laçın rayonuna səfər edib.

Publika.az xəbər verir ki, hraparak.am saytı Azərbaycan mediasına istinadən bu məlumatı yayıb.

Erməni həyasızlığının bariz nümunəsi olaraq hraparak.am yazır ki, onlar (Əliyevlər) nəinki Dağlıq Qarabağın "işğal olunmuş" ərazilərinə səfər edir, həm də ötən ilin dekabrından "Artsax"ı humanitar fəlakətə düçar etdikləri halda hamının gözü qarşısında bayram tədbirləri təşkil edirlər.

Qeyd edək ki, məlumatda daha çox həyasızlıq nümayiş etdirilən məqam odur ki, ermənilər Laçını Ermənistanın "işğal olunmuş Berdzor" rayonu kimi göstəriblər.

Bu onu göstərir ki, ermənilər Azərbaycana həmişə ərazi iddiası irəli sürəcəklər. Ona görə də onların başının üzərindən həmişə "dəmir yumruq" asılmalıdır. Baş qaldırdılarsa...

Adəm ABBASLI