Qarabağ

Separatçıların “başçılarından” biri İrəvana qaçdı - Xankəndidən necə çıxıb? - FOTO

25 Sentyabr 2023 15:35

Qarabağda antiterror tədbirləri nəticəsində təslim olan separatçıların qondarma “rəhbərləri”nin Ermənistana qaçmağa hazırlaşdığı haqda məlumatlar var.

Publika.az xəbər verir ki, separatçıların keçmiş qondarma “müdafiə naziri”, Xankəndidə qondarma “vahid vətən” adlı partiya yaratmış Samvel Babayan Ermənistana qaçmağı bacarıb.

Babayan erməni mediasına açıqlamasında bildirib ki, artıq Ermənistandadır.

“Artıq Ermənistandayam, İrəvana gəlmişəm. Başqa heç nə demək istəmirəm”, - o bildirib.

Babayanın hansı yolla Qarabağdan çıxdığı müəmmalıdır. İstisna edilmir ki, o Ermənistana qayıdan erməni əhalisinin arasına qarışaraq, qaçmağı bacarıb.

Asif