Qırmızı.az
Notariuslarda bəzi prosedurların həyata keçirilməsi asanlaşdı
Azərbaycanda notariuslarda bəzi prosedurların həyata keçirilməsi asanlaşdı.
Nazirlər Kabinetindən Trend-ə verilən məlumata görə, "Azərbaycan Respublikasında notariat hərəkətlərinin aparılması qaydaları haqqında Təlimat"da dəyişikliklər edilib.
Həmin dəyişikliklərə əsasən, daşınmaz əmlak obyektlərinə
sərəncam verilməsi haqqında müqavilələr təsdiq olunarkən notariusa
arayışın verilməsinə ehtiyac qalmayacaq. Bu müqavilələr təsdiq
olunarkən, notarius daşınmaz əmlaka sərəncam verənin və ya onun
nümayəndəsinin (vəkil edilmiş şəxsin) ərizəsi və daşınmaz əmlak
obyektinə dair daşınmaz əmlakın dövlət reyestrindən çıxarış
əsasında daşınmaz əmlakın təsviri, bu əmlak üzərində dövlət
reyestrində qeydiyyata alınmış hüquqlara və onların
məhdudlaşdırılmasına (yüklülüyünə) dair arayışı "Elektron notariat"
informasiya sistemi vasitəsilə real vaxt rejimində əldə edəcək.
İndiyədək isə notarius özgəninkiləşdirməyə qadağanın və həbsin
olmadığı barədə arayış tələb edirdi.
Daşınmaz əmlak üzərində hüquqların məhdudlaşdırılmasına (yüklülüyünə) dair məlumat olduqda, əmlaka sərəncam verilməsi haqqında müqavilə yalnız borcun əmlakı əldə edənin adına keçirilməsinə dair kreditorun və əldə edənin razılığı olduqda təsdiq ediləcək.
Yeni qərara görə, notarius hüquq sahibinin əmlakına qanun və ya vəsiyyət əsasında vərəsəlik hüququ olan şəxslərin ərizəsi və dövlət reyestrindən çıxarış əsasında daşınmaz əmlakın təsviri, bu əmlak üzərində dövlət reyestrində qeydiyyata alınmış hüquqlara və onların məhdudlaşdırılmasına (yüklülüyünə) dair arayışı "Elektron notariat" informasiya sistemi vasitəsilə real vaxt rejimində əldə edəcək.
Daşınmaz əmlak üzərində hüquqları təsdiq edən aktlar, şəhadətnamələr və qeydiyyat vəsiqələri əsasında daşınmaz əmlakın təsviri, bu əmlak üzərində dövlət reyestrində qeydiyyata alınmış hüquqlara və onların məhdudlaşdırılmasına (yüklülüyünə) dair arayış vərəsə və ya onun nümayəndəsi tərəfindən təqdim edilir.
Bununla yanaşı, avtonəqliyyat vasitələrinin özgəninkiləşdirilməsi
və ya girov qoyulmasına dair müqavilələr Daxili İşlər Nazirliyinin
Dövlət Yol Polisi İdarəsi tərəfindən müayinədən keçməsi barədə
arayış təqdim olunduqdan sonra təsdiq ediləcək.
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK
-
MDB19 Aprel 21:50
95 yaşlı diplomat öldü
-
Nida Xəbər 19 Aprel 21:20
Sərhədin delimitasiyası başladı: İrəvan dərhal Tehrana hesabat verdi