Qırmızı.az

Prezidentin Gəncəyə səfərindən sonra İH ağacları niyə çıxardı? - AÇIQLAMA - VİDEO

3 Fevral 2022 13:29

Gəncə şəhərində bir neçə gün öncə yol kənarında əkilən həmişəyaşıl ağacların çıxarılması ilə bağlı yayılan görüntülərə rəsmi münasibət bildirilib.

Gəncə şəhər Mənzil Kommunal Təsərrüfatı İstehsalat Birliyinin rəis müavini Elmar Əzizov Publika.az-ın yerli bürosuna açıqlamasında qeyd edib ki, ağacların oradan çıxarılması onların quruma təhlükəsi ilə bağlı olub. "Ərazi Nizami prospektində yerləşir və burada Nizami Gəncəvinin məhşur əsərlərindən xəmsələr var. "Nizami" ili çərçivəsində və vətəndaşların xahişi ilə bu əraziyə həmişəyaşıl ağaclar əkilib.Lakin zamanla biz bu ağacların inkişaf etmədiyinin şahidi olduq. Mütəxəssisləri dəvət etdik və onların əsasında ərazinin vaxtı ilə tikinti sahəsi olduğunu, ağacların inkişaf etməyəcəyini nəzərə alaraq ağaclar buradan çıxarılıb və daha münbit yerə əkilib. Hazırda isə bu əraziyə qazon salınır, gül kolları əkiləcək"- deyə E.Əzizov bildirib