Təhsil Nazirliyi nəticələri açıqladı

Respublika fənn olimpiadalarının final mərhələsi iştirakçılarının nəticələri açıqlanıb.

Publika.az Təhsil Nazirliyinin saytına istinadən xəbər verir ki, nəticələr nazirliyin saytında - (http://edu.gov.az/upload/file/respublika-olimpia-neticeler.pdf) açıqlanıb.

Təhsil Nazirliyindən (TN) Trend-ə verilən məlumata görə, şəffaflığı təmin etmək üçün şagirdlərin cavab vərəqələri kodlaşdırılaraq münsiflər heyətinə təhvil verilib. Müvafiq yoxlamadan sonra nəticələr müəyyənləşdirilib.

Qeyd edək ki, aprelin 18-də açılışı olan olimpiadanın final mərhələsinə bu gün yekun vurulacaq.

Bu il ilk dəfə olaraq fənn olimpiadaları üç mərhələdə keçirilib. Olimpiadanın I-rayon (şəhər) mərhələsində 8 fənn üzrə 22000 şagird iştirak edib. 3700 şagirdin iştirakı ilə bu ildən ilk dəfə olaraq keçirilən yarımfinal mərhələsi Bakı, Sumqayıt, Gəncə, Şirvan, Şəki, Mingəçevir, Lənkəran, Şamaxı, Ağdaş, Xaçmaz və Naxçıvanda yerləşən 11 mərkəzdə təşkil olunub. Yalnız bundan sonra finalçılar müəyyənləşdirilib.

Gülxar