Astroloqdan xəbərdarlıq: Bu tarixə diqqət edin

Məşhur astroloq Dinçer Güner Günəş və Xiron arasında yaranan təsirin 2 gün davam edəcəyini bildirib. Onun sözlərinə görə, qarşıdakı saatlar həm şəxsi inkişaf, həm də zehni və fiziki yaraların sağalması üçün xüsusi əhəmiyyət kəsb edir.

Publika.az xəbər verir ki, Güner bu dövrü “addım-addım sağalacağımız günlər” kimi xarakterizə edib.

Astroloqa görə, bu müddət kədərli və ağrılı keçmiş təcrübələri sağaltmaq və təmir etmək üçün əlverişli vaxtdır. Terapiya axtaranlar və şüuraltı ilə bağlı yeni fikirlər əldə etmək istəyənlər üçün də uyğun dövr hesab olunur.

Günerin sözlərinə görə, bu təsirlər altında insanlar doğru həkim, düzgün diaqnoz və uyğun müalicə üsulu ilə də qarşılaşa bilərlər. Hər kəs öz çatışmazlıqlarını və qüsurlarını üstünlüklərə çevirə bilər. Başqalarına yardım etmək və ehtiyacı olanlara fayda vermək bu dövrün ən dəyərli xüsusiyyətlərindəndir.

Uzun müddətdir ailə üzvlərinə və ya sevdiyiniz insana qarşı kin saxlayırsınızsa, indi danışmaq daha asan və konstruktiv ola bilər. Əgər işiniz tibb sahəsi və ya yaradıcılıqla bağlıdırsa, bu iki günün daha məhsuldar və uğurlu ola biləcəyi qeyd olunur.

Roza