Astroloq açıqladı: Təsiri 3-4 gün davam edəcək

Astroloq Dinçer Güner Venera ilə Neptun arasında bu gün yaranan üçbucağın təsirlərini açıqlayıb.

Publika.az xəbər verir ki, astroloqun sözlərinə görə, bu təsir 3-4 gün davam edəcək.

O, bildirib ki, bu dövrdə mövcud münasibətlərdə romantika və empatiya ön plandadır. Partnyorunuza qarşı daha anlayışlı, şəfqətli və fədakar ola bilərsiniz. Əgər subaysınızsa, bu müddət romantik qarşılaşmalar və mənəvi bağların qurulması üçün əlverişli olacaq. Hətta illərdir görüşmədiyiniz biri ilə təsadüfi qarşılaşma ehtimalı da yüksəkdir.

Daxili səsinizə qulaq asmaq və yeni yaradıcılıq yollarını kəşf etmək üçün doğru zamandır. Günerə görə, bu dövrdə əvvəllər cəhd etmədiyiniz sahələrdə özünüzü sınamaq üçün fürsət yaranacaq.

Münasibətlərə baxışınız daha çox mənəvi əlaqə yaratmaq istəyinə yönələ bilər. Musiqi, rəsm, şeir, rəqs və digər bədii fəaliyyətlər üçün məhsuldar dövrdür.

İntuisiya, başqalarına kömək etmək motivasiyası güclənir. Həmçinin, meditasiya və ya yoqa üçün ideal vaxtdır. Maliyyə qərarları da daha intuitiv şəkildə qəbul edilə bilər.

Roza