Bu bürclər bir-birindən uzaq durmalıdır

Astrologiyaya görə, bəzi bürclər sanki bir-birini sınamaq üçün yaradılıb. Bu bürclər münasibətlərində daim fikir ayrılıqları yaşayır, keçi kimi inad edərək savaşırlar.

Publika.az münasibət yaşamaları riskli olan bürcləri təqdim edir:

Qoç və Oğlaq

Qoç əsl liderdir, tez qərar verir və risk etməkdən çəkinmir. Oğlaq isə nəzarətli, planlı və ehtiyatlı yanaşması ilə tanınır. Bu iki bürc qarşılaşdıqda, sükanı hansının idarə edəcəyi əsl müzakirə mövzusudur. Onlar zaman keçdikcə bir-birini başa düşmək əvəzinə bir-biri ilə rəqabət aparırlar ki, bu da münasibətlərini çətinləşdirir.

Xərçəng və Dolça

Xərçəng duyğularla yaşayan və təhlükəsizlik axtaran bir bürcdür. Dolça isə sərbəst ruhludur. Bu iki bürc bir araya gəldikdə, Xərçəng sevgi dolu bir ev qurmaq istəyir, Dolça isə özünü qəfəsdə hiss etməyə başlayır. Xərçəng Dolçanın emosional məsafəsini soyuqluq kimi şərh edir, Dolça isə Xərçəngin həssaslığını boğucu görür.

Şir və Buğa

Bu iki bürcün tək ortaq cəhəti inadkarlıqdır. Onlar nə etsələr də, ortaq yolu tapa bilmirlər. Davamlı eqo toqquşmaları və aqressiv davranışlar zaman keçdikcə münasibətlərini sıxıcı edir.

Qız və Oxatan

Qız bürcü nizam-intizamı sevir, detallara fikir verir və hər şeyin öz yerində olmasını istəyir. Oxatan macəraçıdır, azadlıqsevərdir və plansız yaşamağa üstünlük verir. Bu təzad münasibətin hər anında hiss olunur. Bu da münasibəti zamanla yorucu edir.

Əqrəb və Əkizlər

Əqrəb dərin duyğular axtaran, ehtirasla bağlanan bir bürcdür. Əkizlər isə cəld düşünəndir və əhval-ruhiyyəsi asanlıqla dəyişə bilir. Əqrəb üçün sadiqlik, Əkizlər üçün isə ünsiyyət və azadlıq daha önəmlidir. Bu əks xarakterlər onların sağlam münasibət yaşamasına əngəl olur.

Roza