İslam dünyası HƏRƏKƏTƏ KEÇDİ - İsrail Beynəlxalq Cinayət Məhkəməsinin qapısında

Ötən həftə Türkiyədə toplanan İslam Əməkdaşlıq Təşkilatı fövqəladə sammitdə qərara aldığı komitəni qurub.

Publika.az xəbər verir ki, komitə Qəzza zolağında 66 nəfərin şəhid olduğu qətliamı araşdırmaq məqsədilə istintaq əməliyyatları başlatmaq üçün qurulub.

İƏT-in baş katibliyi komitəyə beynəlxalq müstəqil mütəxəssislər cəlb edildikdən sonra o, öz işinə başlayacaq. İstintaqdan əldə edilən nəticə benyəlxalq qurumlara təqdim ediləcək. İƏT üzvləri İsrailin həyata keçirdiyi qətliamın məsuliyyət daşıyanlarını ittiham etmək üçün yerli məhkəmələri hərəkətə keçirəcək. Daha sonra qətliam Beynəlxalq Cinayət Məhkəməsində (BCM) araşdırılacaq.

Zirvədən alınan qərarlardan başqa, Fələstinin də qətliamın gerçəkləşdiyi ölkə olaraq üzvü olduğu Beynəlxalq Cinayət Məhkəməsinə müraciət etməsi bildirilir. Qətliamın BCM-yə qədər gedib çıxması ehtimalı belə İsraili narahat edən durumdur.

İƏT-in fövqəladə zirvə qərarlarını şərh edən diplomatik qaynaqlar təşkilatın dünyada və İslam ölkələri ictimaiyyətində haqqı olan etibarı görmədiyini bildirir. Halbuki, bir neçə gündə Fələstin üçün səfərbər olan İƏT bir çox beynəlxalq qurumlardan daha operativ hərəkət edir.

Zümrüd