Region

Ərdoğan Peskova görə Putini 50 saniyə gözlətdi – Video

20 İyul 2022 14:20

Türkiyə və Rusiya liderləri Rəcəb Tayyib Ərdoğan və Vladimir Putinin ötən gün Tehranda baş tutan ikitərəfli görüşü ilə bağlı görüntülər beynəlxalq medianın diqqətini çəkib.

Publika.az xəbər verir ki, Ərdoğanın görüşə gecikməsi səbəbindən Putinin bir müddət onu gözlədiyi qeyd edilib.

Gecikmə 50 saniyə çəkib.

Ərdoğanın gecikməsinin səbəbkarı isə Vladimir Peskov olub. Görüş otağına gələn Ərdoğan dəhlizdə Kremlin sözçüsü ilə rastlaşıb və ona diqqətsiz qalmayıb. Peskovla türkcə (Peskov türk dilini mükəmməl bilir – red.) qısa söhbət edən Ərdoğanın məhz buna görə 50 saniyə gecikdiyi bildirilir.

Fəqət liderlər görüşərkən səmimi şəkildə bir-birinə gülümsəmələri, üstəlik, protokol qaydasından kənara çıxmaları da maraqla qarşılanıb. Ərdoğan Putinin danışmasını gözləmədən dərhal hal-əhval tutub.