Region

İstanbulda nəhəng tanker quruya çırpıldı: Boğaziçi və Çanaqqala bağlandı

29 Noyabr 2023 09:24

Güclü tufan nəticəsində Türkiyə bayraqlı “Kadriye Ana” tankeri İstanbul yaxınlığında Mərmərə dənizində quruya çırpılıb.

Publika.az xəbər verir ki, çərşənbə axşamı gecə gəminin ekipajı qəza siqnalı verərək, mümkün batma təhlükəsi barədə xəbərdarlıq edib.

Görülən operativ yardım sayəsində gəmidə olan 12 dənizçi xilas edilib. Mütəxəssislər hazırda neft sızmalarını yoxlayır, çünki tanker təxminən 600 ton dizel yanacağı daşıyırdı. Hadisə ilə əlaqədar səlahiyyətlilər Boğaziçi və Çanaqqala boğazında hər iki istiqamətdə gəmiçiliyi bağlayıb.

İstanbul hava limanlarında 70-dən çox reys təxirə salınıb, Mərmərə dənizi bölgəsində küləyin sürəti 70-80 km/saata çatması səbəbindən Türkiyənin üçdə birində sarı və narıncı səviyyəli hava təhlükəsi elan edilib.

Tural