Ərdoğandan Yunanıstan açıqlaması: Fikir ayrılıqlarımız var, amma...

Türkiyə prezidenti Rəcəb Tayyib Ərdoğan deyib ki, Ankara ilə Afina arasında fikir ayrılıqları olacaq, lakin bu, “ortaq dil” tapmaq mümkün olmadığı anlamına gəlmir.

Publika.az xəbər verir ki, Ərdoğan bu barədə hakim partiyanın parlamentdəki toplantısında deyib.

"Ölkələr arasında fikir ayrılıqları təbiidir. Əsas odur ki, onları dalana dirənmədən həll etmək istəyi olsun. Dekabrın 7-də Yunanıstana səfərə yanaşmamız belədir. Dünən fikir ayrılıqlarımız olub, sabah da olacaq. Amma bu o demək deyil ki, biz bir iqlimi və bir dənizi olan iki ölkə olaraq ortaq dil tapa bilmirik. Əməkdaşlığımızı inkişaf etdirə biləcəyimiz bir çox mövzular var. Arzu edirəm ki, səfərimiz ölkələrimiz üçün yeni səhifə açsın”, - Ərdoğan deyib.

NATO müttəfiqləri Yunanıstan və Türkiyə ərazi mübahisələrinə görə dəfələrlə silahlı qarşıdurma ərəfəsində olublar, son vaxtlar münasibətləri yaxşılaşdırmağa çalışırlar. Bazar ertəsi Ankarada etimad tədbirlərinə dair görüş keçirilib, tərəflər razılaşdırılmış tədbirlərin həyata keçirilməsini asanlaşdırmaq üçün təmas mexanizmi yaratmaq barədə razılığa gəliblər.

Tural