Region

Fidan Lavrovla Suriyadakı vəziyyəti müzakirə etdi

30 Noyabr 2024 19:12

Türkiyə və Rusiyanın xarici işlər nazirləri Hakan Fidan və Sergey Lavrov arasında telefon danışığı olub.

Publika.az xəbər verir ki, bu barədə TASS-a Türkiyə Xarici İşlər Nazirliyindəki mənbə məlumat verib.

"Suriyadakı vəziyyət və Astana prosesi müzakirə edilib", - mənbə bildirib.

Noyabrın 28-də CNN telekanalı Suriyanın silahlı müxalifət qruplarının Hələb vilayətinin qərb bölgələrində hökumət qüvvələrinə qarşı irimiqyaslı hücuma keçdiyini bildirib. Kanalın mənbəsinin məlumatına görə, nəticədə silahlılar 13 yaşayış məntəqəsini, o cümlədən strateji əhəmiyyətli Urm əs-Suğra və Əncar şəhərlərini ələ keçiriblər.

Noyabrın 30-da Suriya Müdafiə Nazirliyi terrorçu qrupların Hələb şəhərinin bir çox ərazisinə daxil olması barədə məlumat yayı. Rusiya aviasiyası isə yaraqlıların cəmləşdiyi ərazilərə zərbələr endirir.

Hüseyn İbadlı