Paşinyan partiyasız deputatlar qarşısında şərt qoydu: Ya bunu edəcəksiniz, ya da...

Ermənistanın baş naziri Nikol Paşinyan partiya üzvü olmayan, lakin onun siyahısından parlamentə seçilən bütün deputatları hakim “Mülki Müqavilə” partiyasına qoşulmağa məcbur edir.

Publika.az xəbər verir ki, bu barədə “Hraparak” qəzeti yazıb.

Qeyd olunur ki, baş nazir Dövlət Duması fraksiyasının partiya üzvü olmayan deputatları qarşısında şərt irəli sürüb: əgər onlar növbəti seçkilərdə proporsional siyahıda yer almaq istəyirlərsə, partiyaya daxil olmalıdırlar.

Nəşrin məlumatına görə, sözügedən kateqoriyadan olan iki deputat artıq “Mülki müqavilə”nin sıralarına qoşulub. Bunlar müdafiə komissiyasının rəhbəri Andranik Köçəryan və iqtisadi məsələlər üzrə komissiyanın sədr müavini Babken Tunyandır.

İş adamı Xaçatur Sukiasyan, “Çiçəklənən Ermənistan”dan hakim düşərgəyə keçmiş Sergey Baqratyan və Respublika Partiyası fraksiyasının keçmiş üzvü Şirak Torosyan hələlik partiyasızdırlar.

Xatırladaq ki, Ermənistanda növbəti parlament seçkiləri gələn ilin iyununda keçiriləcək.

Tural