Qarşıdakı dövrdə daha qürurverici müjdələrimiz olacaq - Ərdoğan

İHA və SİHA-larımızla, tamamilə yerli istehsal olan təyyarə və helikopterlərimiz, hərbi gəmilərimiz, insansız dəniz vasitələrimiz, frekart, mina axtaran gəmilərimizlə Mavi Vətənə, yeni nəsil insansız vasitələrimizlə, tanklarımız və avtonom zirehli döyüş vasitələrimizlə, idarəetmə, radar və elektron müharibə sistemlərimizlə quru üzərində gücümüzə güc qatırıq.

Publika.az xəbər verir ki, bu barədə İstanbulda keçirilən “TEKNOFEST 2025”i ziyarət edən Türkiyə Prezidenti Rəcəb Tayyib Ərdoğan çıxışı zamanı bildirib.

"Nəhayət, avqustun 27-də ümumilikdə 47 texnikadan ibarət “Polad Qübbə”ni inventarımıza daxil edərək daha bir tarixi mərhələni geridə qoyduq. Bütün bunlar yalnız başlanğıcdır. Müdafiə sənayesi dastanımızı hələ yeni yazmağa başlamışıq. Qarşıdakı dövrdə daha qürurverici müjdələrimiz olacaq” - deyə Türkiyə lideri bildirib.

Ərdoğan onu da əlavə edib ki, Türkiyə yalnız müdafiə sənayesi sahəsində deyil, süni intellekt texnologiyalarında da yeni sıçrayışlara və sürətli inkişafa hazırlaşır.