Tehran GÖSTƏRİŞ VERDİ - “Xoş xəbərlər eşidəcəyik”

İran hökuməti yaxın zamanda "Telegram"a qoyulan qadağanı ləğv edəcək.

Publika.az xəbər verir ki, bu barədə İran parlamentinin deputatı Mustafa Purdehgan "Tabnak" portalına müsahibəsində bildirib.

O deyib ki, hökumət "Telegram"ın blokdan çıxarılması ilə bağlı qeyri-rəsmi məlumatlar göndərib.

“Yaxın zamanda bloklanmanın aradan qaldırılması ilə bağlı xoş xəbərlər eşidəcəyik”, - deputat qeyd edib.

"Mehr" agentliyi isə yazıb ki, İran hökuməti "Telegram"ın ölkədə yenidən fəaliyyət göstərməsi üçün bir sıra şərtlər irəli sürüb.

Tehran şirkətdən terrorizmi təbliğ edən və ölkənin milli təhlükəsizliyinə təhdid yaradan məzmunları məhdudlaşdırmağı, vətəndaşların şikayətləri əsasında materialları silməyi tələb edib. Həmçinin, İran "Telegram"dan ölkənin məhkəmə sistemi ilə əməkdaşlıq etməyi və İran istifadəçiləri barədə məlumatları xarici xüsusi xidmət orqanlarına ötürməməyi öhdəsinə götürməyi istəyib.

2018-ci ilin aprelində İran məhkəmə orqanları milli təhlükəsizliyi qorumaq məqsədilə "Telegram"dan istifadəyə qadağa qoymuşdu.

Hüseyn İbadlı