Region

Rusun pişiyi İstanbul hava limanını BİR-BİRİNƏ VURDU

3 Noyabr 2025 05:45

İstanbul hava limanında yanğınsöndürmə və xilasetmə xidməti əməkdaşları rusiyalı qadının qaçan pişiyini təxminən 12 saat axtarıblar.

Publika.az xəbər verir ki, bu barədə "HavaSosyalMedya" məlumat yayıb.

Bildirilib ki, Rusiya vətəndaşı səhər saatlarında Lyublyanaya uçuşdan əvvəl hava limanındakı otelin qadın tualetində pişiyini buraxıb. Pişik lavabonun altındakı dəlikdən texniki bölməyə qaçıb. Xidmət əməkdaşları lavabonu söküb və divarın bir hissəsini dağıtsalar da, heyvanın izinə rast gəlməyiblər. Daha sonra onlar axtarışları termal kamera və istilik detektoru ilə davam etdiriblər.

Avadanlığın köməyi ilə pişik tapılıb və yemlə gizləndiyi dəlikdən çıxmağa razı salınıb. Heyvana heç bir zərər dəyməyib. Sahibəsi pişiyi ilə birlikdə növbəti reyslə hava limanını tərk edib.

Hüseyn İbadlı