Region

Saakaşvilinin partiyası bağlana bilər - PETİSİYA

4 Noyabr 2025 15:57

Gürcüstanın Konstitusiya Məhkəməsi keçmiş prezident Mixail Saakaşvilinin “Vahid Milli Hərəkat” partiyası və daha iki müxalif siyasi təşkilatın fəaliyyətinin qadağan edilməsi ilə bağlı petisiyanı qeydə alıb.

Publika.az xəbər verir ki, petisiya hakim partiya “Gürcü Arzusu – Demokratik Gürcüstan” tərəfindən verilib.

Sənəddə müxalif siyasi qüvvələrin konstitusiyaya zidd elan edilməsi tələb olunur. İddianı 88 parlament üzvü təqdim edib. Qanuna görə, Konstitusiya Məhkəməsi iddiaya 9 ay ərzində baxmalıdır, artıq vaxt verilmir.

Xatırladaq ki, baş nazir İrakli Kobaxidze daha əvvəl bildirib ki, iddia parlamentin istintaq komissiyasının nəticələrinə əsaslanır. Saakaşvilinin 2004-2012-ci illərdə hakimiyyəti dövründə onun partiyasının geniş insan haqları pozuntularına yol verdiyi müəyyən edilib. Gürcüstan hökumətinin başçısı hesab edir ki, partiyanın fəaliyyətinin qadağan edilməsi ölkədə siyasi həyatın yaxşılaşmasına töhfə verəcək.

Adəm