Region

İrandakı aksiyalarda ölənlərin sayı 500-ü keçdi

11 Yanvar 2026 23:48

İranda etirazlar zamanı 500-dən çox insan ölüb.

Publika.az xəbər verir ki, bu barədə ABŞ-da yerləşən HRANA insan haqları təşkilatının məlumatında deyilir.

Bildirilib ki, 48 hüquq-mühafizə orqanı əməkdaşı da daxil olmaqla, ən azı 538 nəfər həlak olub.

İnsan haqları fəalları təxminən 10.600 etirazçının saxlanıldığını iddia edirlər. İran hakimiyyəti belə bir məlumatı təsdiqləməyib.

Dünən məlum olub ki, İran paytaxtının mərkəzində etirazçılara atəş açdıqdan sonra Tehran xəstəxanalarında ən azı 217 nəfər ölüb.

ABŞ Prezidenti Donald Trampın qeyd etdiyi kimi, ölkədə vəziyyət son dərəcə problemlidir. O, hakimiyyət orqanlarının bəzi şəhərlər üzərində nəzarəti itirdiyini vurğulayıb. O, həmçinin etirazçılar arasında itkilərə sərt reaksiya veriləcəyini bir daha təkrarlayıb.

İranda etirazlar dekabrın 28-də paytaxtda sahibkarların milli valyutanın devalvasiyası və qiymətlərin artması səbəbindən tətil etməsindən sonra başlayıb və bu günə qədər davam edir.

Hüseyn İbadlı