Region

İrəvan İran ermənilərilə əlaqə saxlaya bilmir: Bu addımı atacaqlar

12 Yanvar 2026 12:46

Ermənistanın Diaspora İşləri üzrə Ali Komissarlığının Ofisi cümə günündən bəri İrandakı həmvətənləri ilə əlaqə saxlaya bilmir ki, bu da ciddi narahatlıq doğurur.

Publika.az xəbər verir ki, Diaspora İşləri üzrə Ali Komissar Zare Sinanyan bunu bazar ertəsi keçirilən mətbuat konfransında bildirib.

Sinanyan qeyd edib ki, "Oxşar vəziyyət İsrail və İran arasında 12 günlük müharibə zamanı (2025-ci ilin iyun ayında - red.) da yaranıb".

Onun sözlərinə görə, həmin vaxt sərhədi keçən həmvətənlərindən məlumat alıblar.

Rəsmi şəxs əlavə edib ki, bu gündən etibarən agentlik oxşar ssenari üzrə hərəkət etmək niyyətindədir.

İranda kütləvi etirazlar 2025-ci ilin dekabr ayının sonlarında İran rialının kəskin devalvasiyası fonunda başlayıb. Narazılığın əsas səbəbləri valyuta məzənnəsindəki dalğalanmalar və topdan və pərakəndə satış qiymətlərinin artması idi.

Tural