İstanbul sakinlərinə KRİTİK XƏBƏRFARLIQ - “Evdən çıxmayın”

İstanbul sakinlərinə fasiləsiz yağışlar səbəbindən zərurət olmadıqca evdən çıxmamaq barədə xəbərdarlıq edilib.

Publika.az xəbər verir ki, bu barədə TASS məlumat yayıb.

Oktyabrın 16-sı səhər saatlarında şəhərdə, xüsusilə şimal və Avropa hissəsindəki rayonlarda yağıntıların daha da güclənəcəyi gözlənilir. Proqnozlaşdırılan leysanlar və torpaq sürüşməsi riski ilə əlaqədar vali Davut Gül sakinləri evdə qalmağa və avtomobillə səfərlərdən çəkinməyə təkidlə çağırıb. İstanbulda məktəblər bağlanıb, dövlət qulluqçularına isə rəsmi qeyri-iş günü verilib.

“Zirzəmilərdə və su basma riski olan yerlərdə qalmayın, su anbarlarından, çay yataqlarından və su altında qalmış piyada keçidlərindən uzaq durun”, — deyə Gül bildirib.

İstanbulda daşqın baş verib, təbii fəlakət nəticəsində üç nəfər həyatını itirib. Ötən gün şəhərə güclü leysan yağışları yağıb — su küçələri və yaşayış evlərini basıb, avtomobillər yollarda qalıb. Beykoz rayonunda 242 mm yağıntı düşüb ki, bu da İstanbulda 1985-ci ildən bəri qeydə alınan en yüksək göstəricilərdən biridir.

Hüseyn İbadlı