Rəsmi xronika
İlham Əliyev Ceyms O’Braynı qəbul etdi
![](https://publika.az/storage/2024/06/28/cf23e2a0-9761-3638-968e-7b3362ca50c5_850.jpg?v1719770422)
Azərbaycan Prezidenti İlham Əliyev iyunun 28-də Amerika Birləşmiş Ştatları Dövlət katibinin Avropa və Avrasiya məsələləri üzrə köməkçisi Ceyms O’Braynı qəbul edib.
Publika.az xəbər verir ki, Ceyms O’Brayn ABŞ Dövlət katibi Antoni Blinkenin bu yaxınlarda Prezident İlham Əliyev ilə telefon danışığını və bu əsnada aparılan müzakirələri məmnunluqla qeyd etdi. O, ABŞ-ın regional sülh gündəliyinin irəliyə aparılmasına sadiqliyini və bu prosesi dəstəkləməyə hazır olduğunu vurğuladı. Azərbaycan ilə ABŞ arasında müxtəlif sahələrdə əməkdaşlığın, o cümlədən əlaqələrimizin strateji səviyyədə daha da inkişaf etdirilməsi məsələlərinin vacibliyini qeyd etdi. Bu xüsusda regional əməkdaşlıq, Orta Dəhliz və digər məsələlər müzakirə olundu.
Prezident İlham Əliyev Antoni Blinkenlə telefon danışığını məmnunluqla xatırladı, bu telefon danışığı əsnasında əlaqələrimizin geniş spektrinin müzakirə olunduğunu dedi.
Azərbaycan ilə ABŞ arasında ölkəmizin müstəqilliyinin ilk günlərindən müxtəlif sahələrdə uğurlu əməkdaşlığın qurulduğu vurğulandı.
Söhbət zamanı Azərbaycanın Avropanın enerji təhlükəsizliyində oynadığı rol, Azərbaycan ilə ABŞ arasında enerji sahəsində əməkdaşlıq, COP çərçivəsində iki ölkənin nümayəndə heyətlərinin səmərəli və faydalı məsləhətləşmələrinin olduğu qeyd edildi. COP29-un uğurla nəticələnməsi üçün ABŞ-ın öz dəstəyini bundan sonra da davam etdirəcəyi vurğulandı.
xxx
Azərbaycan Prezidenti İlham Əliyev iyunun 28-də Amerika Birləşmiş Ştatları Dövlət katibinin Avropa və Avrasiya məsələləri üzrə köməkçisi Ceyms O’Braynı qəbul edib.
Publika.az xəbər verir ki, bu barədə Azərbaycan Prezidentinin Mətbuat Xidməti məlumat yayıb.
![Publika.az](https://publika.az/assets/main/image/logo-nav.png)
-
Sosial20:48
Avtobus və metroda gediş haqqı 50 QƏPİK OLDU
-
İdman20:36
İngiltərə - Slovakiya matçında hesab açıldı - YENİLƏNİR
-
Enerji20:27
"Aİ 92"i nə qədər bahalaşıb? - YENİ QİYMƏT
-
Sosial19:36
Faciəvi qəzada ölən müəllimin FOTOSU
-
Magazin119:00
Xatirə yenə təəccübləndirdi: "Bu da toydan fotolar"
-
Region18:22
Türkiyədə dəhşətli partlayış: 5 nəfər öldü, 63 nəfər yaralandı - FOTO/VİDEO (YENİLƏNDİ)
-
Magazin217:10
20 gün əvvəl boşanan aktyor yeni sevgilisi ilə FOTOLARINI PAYLAŞDI
-
İdman16:00
Messi 14 ildə ilk dəfə bunu bacarmadı