Türkiyədə dəhşətli partlayış: 5 nəfər öldü, 43 nəfər yaralandı - FOTO/VİDEO (YENİLƏNDİ)

Türkiyənin İzmir şəhərininin Torbalı rayonunda restoranda baş verən partlayış nəticəsində 5 nəfər ölüb.

Bu barədə Publika.az ”Haber Global”a istinadla xəbər verir.

Məlumata görə, hadisə zamanı daha 43 nəfər yaralanıb.

Hadisə yerinə təcili yardım, xilasedicilər və polis əməkdaşları cəlb olunub. Polis partlayışın baş verdiyi restoranın qarşısında təhlükəsizlik tədbirləri görüb.

Partlayış nəticəsində ətrafdakı 11 binaya da ziyan dəyib.

xxx

Türkiyənin İzmir şəhərində Torbalı mahalının Ayrancılar səmtindəki partlayış nəticəsində yaralananların sayı artıb.

Publika.az xəbər verir ki, Türkiyə daxili işlər naziri Ali Yerlikaya partlayış nəticəsində 35 nəfərin yaralandığını açıqlayıb.

***

Türkiyənin İzmir şəhərinin Torbalı rayonundakı binalardan birində partlayış baş verib.

Publika.az xəbər verir ki, hadisənin yerli vaxtla 15:00 (Bakı vaxtı ilə 16:00) radələrində binanın zəmin qatındakı dükanda baş verdiyi bildirilib.

Torbalının bələdiyyə sədri Övünç Demir hadisə nəticəsində 4 nəfərin öldüyünü, 10-u ağır olmaqla, 20 nəfərin isə yaralandığını açıqlayıb. Yaralılar ətrafdakı xəstəxanalara çatdırılıb.

Partlayışa qaz sızmasının səbəb olduğu ehtimal edilir.

Faktla bağlı araşdırma aparılır.

Ləman