Sağlamlıq
Ana südünü artıran və doğuşu asanlaşdıran dadlı çərəz
Zəngin vitamin və mineral tərkibi olan xurmanın stresə bağlı saç tökülməsinə mane olduğunu bilirdinizmi?
İnsan bədəninin sağlam və gümrah qala bilməsi üçün həyati əhəmiyyət daşıyan, özündə ondan çox vitamin və mineral ehtiva edən xurmanın faydalarını saymaqla bitmir.
Hər keçən gün daha çox faydası kəşf edilən xurmanın tərkibindəki zəngin maddələr bir çox sağlamlıq probleminin həlli ola bilir. Ürək-damar və mədə sağlamlığını qoruyucu, antioksidant xüsusiyyətə malik olan xurma xüsusilə tərkibindəki vitaminlər, minerallar və turşular sayəsində qadınlar üçün vacib qida hesab olunur.
Xurmanın xüsusilə hamilə və uşaq dünyaya gətirən qadınlar üçün əhəmiyyəti və faydaları elmi cəhətdən də təsdiqlənib. Xurma ananın zəifləyən bədəninə enerji qazandırmaq, doğuşu asanlaşdırmaq kimi təsirləri ilə yanaşı, həmçinin xurmanın hamiləlik sonrası görülən və stressə bağlı saç tökülməsinə də mane olduğu deyilir.
Hamiləlik zamanı hormonların təsiri ilə güclənib canlanan saçlar doğuşdan sonra qəfil dəyişən hormon tarazlığı və stressdən dolayı sürətlə zəifləyərək tökülür. Yüksək dəmir və mineral tərkibi baxımından hamiləlikdə ən əlverişli qida olan xurma tərkibindəki amin turşuları ilə də saç əmələ gəlməsini dəstəkləyir. Xurmadakı prosiyanidinlərin isə saçın uzanmasında rolu olduğu bildirilir. Bu səbəbdən qadınlara doğuş öncəsi və sonrası xüsusilə təzə xurma yemək tövsiyə edilir.
Xurmanın həm də A vitamini, B1 (tiamin) B2 (riboflavin), biotin, fol turşusu və askorbin turşusu kimi vitaminlər zəngindir. Onun tərkibindəki bitki mənşəli sterollar, amin turşuları, minerallar saç möhkəmliyinin və qalınlığının artmasına dəstək olur.
Aytən
-
Ekologiya02:00
Güclü maqnit qasırğası başladı - Nələr olacaq?
-
İdman01:10
Mbappe gedəcəyini elan etdi - Bu oyunda vida mərasimi olacaq
-
Qoroskop00:43
Günün qoroskopu: planlar pozulacaq - Bunları edin!
-
İdman10 May 23:46
Lalə Kramarenko: Azərbaycanın təklifini qəbul etmək xəyanət olar
-
Sosial10 May 23:34
Dünya rekordçusu olan laçınlı nənə Heydər Əliyevlə bağlı xatirələrini bölüşdü - VİDEO
-
Ekologiya10 May 23:10
Günəşdə 25 ilin ən güclü partlayışı baş verdi
-
Art10 May 22:21
Murad Muradov süni nəfəs aparatına qoşulub - YENİLƏNDİ
-
Elm və təhsil10 May 22:00
Abituriyentlərin NƏZƏRİNƏ: nəticələr elan olundu