• USD 1,7000 0,00% EUR 2,0331 0,00%
    • GBP 2,3391 0,00% RUB 0,0222 0,00%

ABŞ Qida və Dərman İdarəsi türk professorun koronavirus peyvəndini təsdiqlədi

ABŞ Qida və Dərman İdarəsi türk professorun koronavirus peyvəndini təsdiqlədi

ABŞ Qida və Dərman İdarəetmə Mütəxəssislər heyəti türkiyəli professor Uğur Şahinin icraçı direktoru olduğu alman biotexnologiya şirkəti “BioNTech” ilə amerikan dərman şirkəti “Pfizer”-in birlikdə inkişaf etdirdiyi koronavirus peyvəndinin istifadəsinə icazə verib.

Publika.az xəbər verir ki, peyvənd artıq İngiltərə və Kanadada təsdiqlənib.

Müstəqil ekspertlərdən ibarət ABŞ Qida və Dərman İdarəsi (FDA) məsləhət şurası uzun davam edən iclasdan sonra səsvermədə peyvəndin təcili istifadəsi üçün FDA-ya səlahiyyət verib.

Əyalətlərə paylanması gözlənilir

Tənzimləmə şurasının ölkədəki ilk Covid-19 peyvəndi üçün təsdiqindən sonra FDA-nın peyvəndlə bağlı rəsmi təsdiqləmə prosedurunu tamamlayacağı və bu gündən etibarən əyalətlərə paylanmağa başlayacağı gözlənilir.

Birinci mərhələdə 3 milyon adama peyvənd vurulacaq

Bu ayın sonuna qədər 6.4 milyon doza peyvəndin və iki doza peyvəndinin paylanması səbəbindən ilk mərhələdə 3 milyon insanın əhatə olunması planlaşdırılır.

İlk növbədə səhiyyə işçilərinə və yaşlılara peyvənd vurulması planlaşdırılır

ABŞ Xəstəliklərə Nəzarət və Qarşısının Alma Mərkəzləri (CDC) bildirib ki, peyvənddə prioritet səhiyyə işçilərinə və qocalar evlərində yaşayan yaşlılara veriləcək. Lakin bu mövzuda son qərarın əyalət hökumətlərinə aid olduğunu da əlavə edib.

Xatırladaq ki, FDA 8 dekabr tarixindəki ilk açıqlamasında Pfizer və BioNTech tərəfindən hazırlanmış Covid-19 peyvəndinin təhlükəsizliyi və effektivliyini təsdiqləyib, 95 faiz təsirli olduğu qeyd edilib. İlk dozadan təxminən 10 gün sonra Covid-19-a qarşı güclü qoruma təmin etdiyi bildirilib.

Aytən Məftun

Halal Nemət

Xəbər lenti

DAHA ÇOX XƏBƏR