Sauna kimlər üçün faydalıdır?

Bəzi insanlar hava çox soyuq olmasa da, tez-tez üşüdüyünü dilə gətirir. Bunun bir neçə ciddi səbəbi var.

Publika.az xəbər verir ki, bu sözləri "Vesti Podmoskovye"yə müsahibəsində Oleq Abakumov deyib.

"Damarlarımız bizi qızdıran "borular və istilik batareyalarıdır", onların içərisindən isti qan hərəkət edir. Soyuq olanda damarlar daralır ki, isinsinlər. İsti olanda istiliyi yaymaq üçün genişlənir. Amma siz daim donursunuzsa, deməli, "borular" qırılıb, ya da nəsə onların işləməsinə mane olur”, - həkim qeyd edib.

Həkim dəmir çatışmazlığı və ya hemoqlobinin aşağı səviyyədə olması nəticəsində yarana bilən anemiyanın da əsas səbəblərdən biri olduğunu bildirib. Bu vəziyyətdə qan axını gecikir, bu da vazodilatasiyaya səbəb olur. İkinci səbəb A və E vitaminlərinin çatışmazlığı və ya doymuş yağların olmamasıdır. Həkim qeyd edib ki, tiroid vəzinin zəif işləməsi maddələr mübadiləsinin yavaşlamasına və nəticədə üşüməyinizə gətirib çıxarır. Digər səbəblərə diabet və aşağı təzyiq daxildir.

"Belə bir vəziyyətdə fiziki məşqlər və müntəzəm su içməklə isinmək olar. Ancaq bu halda spirt və siqaretdən imtina edilməlidir, çünki güclü içkilər və siqaret damarlara ziyan vurur.

Özünüzü xəz paltoya bürüməyin! Havaya uyğun geyinməsəniz, vücudunuz çaşacaq, nəticədə soyuq və isti ilə düzgün mübarizə aparmağı dayandıracaq. Limfa axınını sürətləndirmək və qan axınını yaxşılaşdırmaq üçün dərinizi quru fırça masajı edin. Həmçinin sağlamlığınız imkan verirsə, hamama və saunaya gedin, damarları gücləndirin”, - həkim yekunda bildirib.

Aytən Məftun