Sağlamlıq

Xoruldama ilə görmə zəifliyi arasında əlaqə tapdılar

30 Dekabr 2022 17:32

Çin həkimləri xoruldama və yuxusuzluğun qlaukoma riskini artırdığını müəyyən ediblər.

Publika.az xəbər verir ki, Siçuan Universitetinin alimləri müəyyən ediblər ki, xoruldama və yuxusuzluq görmə sinirini zədələyir, qlaukoma və bulanıq görmə yarada bilər.

Qlaukoma, adətən göziçi təzyiqinin artması nəticəsində yaranır ki, bu da zamanla optik sinirə zərər verə bilər. Qlaukoma, xüsusilə yaşlılar arasında korluğun əsas səbəbidir

Alimlər Britaniya Biobankından 40-69 yaş arası 409 min xəstənin məlumatlarından istifadə ediblər. Yuxu müddəti normal (gündə 7-9 saatdan az), qeyri-kafi və ya çox uzun kimi müəyyən edilmişdir.

Orta müşahidə müddətində (təxminən 10,5 il) 8690 qlaukoma halı müəyyən edilmişdir. Problemə daha çox kişilərdə rast gəlinib. Digər risk faktorları hipertoniya, diabet və siqaretdir.

Qeyri-kafi və ya həddindən artıq yuxu qlaukoma riskini 8%, yuxusuzluq 12%, xoruldama 4%, gündüz tez-tez yuxulamaq isə 20% artırır.

Aydan