Sağlamlıq

Xərçəng və QİÇS-in müalicəsində süni zəkadan istifadə olunacaq

15 Yanvar 2024 15:13

Neyroşəbəkə xərçəng və ya QİÇS də daxil olmaqla, öz-özünə xəstəliklərin müalicəsini tapa bilməz.

Publika.az xəbər verir ki, bu barədə “Moscow Region Today” internet nəşrinə futuroloq Ruslan Yusufov məlumat verib.

Onun sözlərinə görə, süni intellektdən köməkçi kimi istifadə etmək olar: o, alimlərə optimal formullar təklif edəcək və maddələr qəbul edən xəstələrin nəticələrini simulyasiya edəcək. Futuroloq onu da xatırladıb ki, xərçəng və HİV ölüm hökmü deyil. Bu gün hər iki xəstəliyin müalicəsinin müxtəlif yolları var və bunda uğur bir çox amillərdən, o cümlədən vaxtında diaqnozdan asılıdır.

“Burada süni intellekt də kömək edə bilər: neyron şəbəkələr yaxın gələcəkdə hər bir fərdin həyat tərzini, bədən xüsusiyyətlərini və digər nüanslarını nəzərə alaraq dəqiq diaqnozlar qoya və fərdi müalicə alqoritmlərini yarada biləcək”, - Yusufov bildirib.