Dilin rəngi bu xəstəliklərdən xəbər verir- FOTO

Dildəki ağ örtüyün xüsusiyyətləri ilə mədə-bağırsaq traktının problemləri müəyyən edilə bilər.

Publika.az xəbər verir ki, bu barədə "NEWS.ru" saytına terapevt Zarema Ten məlumat verib. Onun sözlərinə görə, onikibarmaq bağırsaq xorası dildə qalın ağ ərpin yaranmasına səbəb olur. Mədə xəstəliklərində isə dildə ağımtıl-boz rəngli bir örtük meydana gəlir, qaraciyər problemi varsa, dilin üstündəki ərpin rəngi açıq sarıdan qəhvəyi rəngə qədər dəyişir. Bundan əlavə, yemək borusu, mədə və onikibarmaq bağırsağın fəaliyyəti pozulubsa, xəstələr ağızda turş dad hiss edirlər. Həmçinin, mədə-bağırsaq traktının xəstəliklərində dil şişir və üzərində diş izləri aydın görünür.

"Dildə sarımtıl ərpin olması ilə öd yollarında lokallaşdırılmış parazitar invaziya üçün xarakterikdir. Adətən buna lyamblioz diaqnozu qoyulur. Və mədəaltı vəzi təsirləndikdə örtük daha sıx, sarımtıl-ağ rəngdə olur və onu diş fırçası ilə çıxarmaq çətinləşir", - terapevt izah edib və vurğulayıb ki, təmizlənmiş ərp hissəsində həmişə narahatlıq hissi olur.

Mütəxəssis sonda qeyd edib ki, hər gün dişlərimizi fırçaladığımız kimi, dil təmizləyicilərindən də istifadə etməliyik.

Aytən