Səhiyyə

TƏBİB məlumat yaydı: 127 nəfər reanimasiyadadır

11 İyun 2020 20:30

Tibbi Ərazi Bölmələrini İdarəetmə Birliyi (TƏBİB) Azərbaycanda koronavirusla bağlı iyunun 11-nə olan statistik göstəriciləri açıqlayıb.

Publika.az xəbər verir ki, məlumatda bu gün ərzində Azərbaycanda koronavirusla bağlı 6622 test edildiyi bildirilib.

Qeyd olunub ki, ölkə ərazisində bu günə qədər 362 654 test aparılıb. İndiyədək 108 nəfər COVID-19-dan dünyasını dəyişib, 4930 nəfər xəstəliyə qalib gəlib. Aktiv xəstə sayı 3844 nəfərdir. 127 nəfər reanimasiyada, 22 nəfər süni tənəffüs cihazındadır.

Xatırladaq ki, bu gün Azərbaycanda 352 yoluxma faktı qeydə alınıb, 6 nəfər dünyasını dəyişib, 210 pasiyent sağalıb.