Boyun ağrısının qeyri-adi səbəbləri müəyyən edildi

Boynun həddindən artıq yüklənməsi heç də həmişə məhz boyun nahiyəsindən başlamır. Bəzən bunun mənbəyi illər əvvəl baş vermiş hadisələrlə, məsələn, topuq oynağının köhnə zədəsi ilə bağlı olur.

Publika.az xəbər verir ki, bu barədə Gazeta.ru-ya osteopat, osteopatiya klinikasının rəhbəri Dmitri Simkin bildirib.

“Məsələn, topuq oynağının köhnə zədəsindən sonra — hətta uşaqlıqda alınan zədə olsa belə — zədələnmə nahiyəsində toxumaların gərginliyi qala bilər. Bu gərginlik dartınma yaradır və bədən tədricən buna uyğunlaşır: bədənin vəziyyəti bir qədər dəyişir, zədə zonası tərəfə əyilmə yaranır, əzələlər isə sabitləşmə üçün işə düşür — əksər hallarda əks tərəfdə daha güclü şəkildə. Bəzi zədələr doğum zamanı, məsələn, çanaq, çiyin, boyun və ya baş nahiyəsində yaranaraq bədəndə yükün paylanmasına illərlə təsir göstərə bilər”, - deyə həkim qeyd edib.

“Eyni hal keçirilmiş iltihablara da aiddir. Mədə, bağırsaq və ya digər orqanlar nahiyəsində iltihab prosesindən illər keçsə də, həmin zonada toxuma gərginliyi qala bilər. Bu gərginlik orqanizmin uyğunlaşmağa məcbur olduğu dartınma yaradır. Nəticədə bədənin tamamilə başqa nahiyələri — o cümlədən boyun əzələləri və oynaqları əlavə yük götürə bilər”, - deyə Simkin izah edib.

O qeyd edib ki, əzələlərin uzunmüddətli kompensator gərginliyi onların ağrımasına, oynaqların və onurğanın sıxılmasının artmasına gətirib çıxarır:

"Bu, toxumaların qidalanmasını pozur və degenerativ dəyişikliklərə səbəb ola bilir. Orqanizm qan dövranını gücləndirməklə və iltihab reaksiyasını işə salmaqla uyğunlaşmağa çalışır. Həddindən artıq yüklənmə davam edərsə, iltihab xroniki xarakter alır və problemi daha da dərinləşdirir".

Hüseyn İbadlı