Səhiyyə
Səhiyyədə idarəetmə dəyişikliyi: İllərin problemləri həllini tapacaqmı?
Bu gün Prezident İlham Əliyevin imzaladığı fərmana əsasən, Tibbi Ərazi Bölmələrini İdarəetmə Birliyi (TƏBİB) Səhiyyə Nazirliyinin tabeliyinə verildi. Bu qərar səhiyyə sistemində idarəetmə modelini yenidən gündəmə gətirir. Vətəndaşlar üçün isə əsas məsələ qurumların tabeliyindən daha çox, xəstəxanalarda göstərilən xidmətin keyfiyyəti, həkimə əlçatanlıq, müayinə və müalicə imkanlarıdır.
Maraqlıdır, TƏBİB-in Səhiyyə Nazirliyinin tabeliyinə verilməsi səhiyyə sistemində hansı dəyişikliklərə səbəb olacaq? Bu qərar xəstəxanalarda xidmətin keyfiyyətinə və vətəndaşların üzləşdiyi problemlərin həllinə real təsir göstərəcəkmi, yoxsa yalnız idarəetmə modeli dəyişəcək?
Mövzu ilə bağlı həkim-cərrah, tibb elmləri doktoru, professor Adil Qeybullanın fikirlərini öyrəndik. Professor Publika.az-a bildirdi ki, bu addım gözlənilən idi:
"Bu məsələnin vaxtı çatmışdı. Yəni iki icra strukturunun birləşdirilməsi gözlənilən addım idi. Bu dəyişiklik səhiyyə sisteminin fəaliyyətinin effektivliyini artırmaq üçün potensial imkan yaradır. Ancaq bu imkanın necə reallaşacağını zaman göstərəcək.
Məsələ ondadır ki, xəstəxanalarda işin yenidən təşkili, klinik protokolların və vahid sistemin tətbiqi, həkim axınının qarşısının alınması, rayonlarda həkim çatışmazlığının aradan qaldırılması kimi çoxsaylı vacib məsələlər var. Bu iki qurum arasında maraqların toqquşması və ziddiyyətlər işin effektivliyinə təsir edirdi".

Adil Qeybulla hesab edir ki, bundan sonra bu məsələlərin bir mərkəzdə cəmləşməsi onların həlli üçün imkan yaradacaq.
“Arzu edək ki, yeni rəhbərlik bu məsələlərin həlli üçün lazımi işləri görsün və bütün bunlardan vətəndaşlar fayda götürsünlər. Azərbaycan səhiyyəsinin müasir standartlara uyğunlaşdırılması üçün hər bir həkim, hər bir tibb işçisi, o cümlədən Səhiyyə Nazirliyi bütün imkanlarını səfərbər etməlidir”.
Müəllif: Gülnar Süleymanova
-
Dünya22 Noyabr 18:36300 işçinin çalışdığı şirniyyat fabriki külə döndü: Ölənlərin kimliyi DNT ilə müəyyən ediləcək - Yeniləndi
-
İdman22 Noyabr 16:58Polis keçmiş xokkeyçini güllələyərək öldürdü
-
MDB22 Noyabr 15:30Bir gündə mindən çox döyüşçü itirdilər
-
Magazin222 Noyabr 15:03Məşhur müğənni çayxanada konsert verdi, polis obyekti bağladı - VİDEO
-
Sağlamlıq22 Noyabr 14:27Bahalı kürüyə pul xərcləməyə dəyərmi? – Həkimdən vacib tövsiyə
-
Əmlak22 Noyabr 14:00Talıbovun 73 milyonluq villası üzə çıxdı - FOTO
-
MDB22 Noyabr 12:56Toyda atəş açdı, 4 nəfər saxlanıldı - VİDEO
-
Maraq dünyası22 Noyabr 12:47Vyetnamda müəmmalı hadisə: "Bura necə gəldiyimi bilmirəm" - FOTO












.jpg)
























