Sosial

Mənsimov İstanbulda 500 azərbaycanlı tələbəyə iftar verdi - - FOTO

29 May 2018 12:42

“Palmali” Şirkətlər Qrupunun prezidenti, tanınmış iş adamı Mübariz Mənsimov 28 May Respublika Günü və Azərbaycan Xalq Cumhuriyyətinin 100 illiyi münasibəti ilə Türkiyənin İstanbul şəhərində yaşayan və təhsil alan azərbaycanlıları iftar süfrəsində bir araya gətirib.

Axar.az xəbər verir ki, 500-ə yaxın insanın iştirak etdiyi iftar yeməyi İstanbulun mərkəzi bölgələrindən Leventdə lüks restoranların birində baş tutub. Həmçinin, Türkiyənin tanınmış ictimai xadimləri, azərbaycanlı və türkiyəli sənətçilər də iftar süfrəsinin arxasına toplaşıb.

Tədbirdə qonaq qismində məşhur türk müğənniləri Mahsun Kırmızıgül, Ercan Saatcı, Kubat və bir sıra nüfuzlu türk iş adamları, millət vəkilləri iştirak edib. İftar zamanı azərbaycanlı tələbələr üçün isti bir atmosfer yaradılıb. Mübariz Mənsimov onlarla yaxından maraqlanıb və onların problemlərini dinləyib, gənclərin həyata keçirmək istədiyi layihələrə əlindən gələn dəstəyi verəcəyini açıqlayıb.