Ramazan Bayramını sağlam keçirmək üçün FAYDALI QİDALAR

Balanslı və yüngül bir səhər yeməyi maddələr mübadiləsini sürətləndirmək və aclıq hissini idarə etmək üçün vacib məsələdir.

Publika.az xəbər verir ki, bunu qidalanma və diyet mütəxəssisi Müzeyyen Çelik deyib.

Onun sözlərinə görə, səhər yeməyində pendir, zeytun, mövsümi tərəvəz və yumurta kimi qidalara üstünlük verməliyik. Şəkərli marmelad, bal və mürəbbə kimi qidalardan isə uzaq olmalıyıq.

Mütəxəssis Ramazan ayında gündə iki dəfə qidalanmağın metabolik nisbətin yavaşlamasına səbəb olduğunu xatırladaraq, sözlərinə belə davam edib:

“Bayram zamanı yemək vaxtından 2 saat əvvəl quru meyvələr, şəkərsiz desert və süd qəhvəsi kimi qəlyanaltılar etməyi unutmayın. Bu sayədə qan şəkərinizi tənzimləyər və əsas kurslarda payınızı kiçildərsiniz. Diyetinizə bu şəkildə sağlam qəlyanaltılar əlavə etmək, çəki qazanmaq və yeməkdən sonra baş verə biləcək mədə-bağırsaq problemlərinin qarşısını almağı asanlaşdırır. Ramazan ayında tərəvəz və meyvələrin nisbətən istehlakının azalması həzm sistemində qəbizlik kimi bəzi problemlərə səbəb ola bilər. Yavaşlayan həzm sistemini stimullaşdırmaq üçün gündə 3-4 porsiya meyvə və tərəvəz istehlak etməyi unutmayın.

Diabet, hipertəzyiq və böyrək çatmazlığı kimi xroniki xəstəlikləriniz varsa, bayram zamanı pəhrizinizi pozmayın. Bundan əlavə, çay və qəhvə kimi kofeinli içkilər əvəzinə cökə, şüyüd və limon balzamı kimi bitki çaylarına üstünlük verin. Bununla birlikdə bitki çaylarının effektivliyi istifadə edildikcə, artır. Bu səbəbdən gündə 2-3 stəkan bitki çayları içməyiniz daha faydalı olar. Ramazan ayında evdən çıxa bilməsək də, məşqləri davam etdirməliyik. Buna görə evdə hər gün 30-45 dəqiqə arası fiziki məşqlər etməyə edin. Beləliklə, Ramazan ayında yavaşlayan metabolizmanızı sürətləndirə bilərsiniz”.

Məhərrəm