Azərbaycanlı jurnalist bal ayından vaz keçib dəstək üçün TÜRKİYƏYƏ GETDİ - FOTO/VİDEO

Türkiyədə meşə yanğınları başladıqdan sonra yanğınsöndürmə işlərinə dəstək olmaq üçün Azərbaycandan 4 qrup göndərildi. Azərbaycanlı jurnalistlər hadisələri işıqlandırmaq üçün Türkiyəyə gəldilər.

Publika.az xəbər verir ki, bu barədə "İhlas Haber Ajansı" (İHA) yazır.

Qeyd edilir ki, Azərbaycanda 20 iyulda nikaha girən Turan Rzayev Türkiyəyə dəstək üçün göndərilən Azərbaycanın yanğın-xilasetmə qüvvələrinin fəaliyyətini izləmək üçün 30 iyulda ezam olunub. Evliliyinin 10-cu günündə Türkiyəyə gedən Rzayev, İHA-nın müxbirinə açıqlama verib. O qeyd edib ki, öz istəyi ilə ezamiyyətə yollanıb.

"Bu, bizim üçün yardımdan daha çox milli vəzifədir. Çünki Türkiyə də bizim vətənimizdir. Azərbaycan yoxdursa, Türkiyə var. Türkiyə yoxdursa, Azərbaycan var. Bizim bir deyil, iki dövlətimiz var. Biz iki dövlət, bir millətik", - Rzayev vurğulayıb.

Qeyd edək ki, Turan Rrzayev Teleqraf Holdinqin tərkibində fəaliyyət göstərən Axar.az xəbər portalının əməkdaşıdır.

Hüseyn