Sosial

Tərbiyəçi 2 yaşlı uşağı bağçada belə döydü - Video

29 Noyabr 2022 14:28

Rusiyanın Yekaterinburq şəhərində uşaq bağçasında tərbiyəçi iki yaşlı qıza qarşı zorakılıq edib.

Publika.az xəbər verir ki, tərbiyəçinin hərəkətləri E1 portalının dərc etdiyi videoda əks olunub.

Görüntülərdə bağça şagirdlərinin dəhlizdə oturduğu müşahidə edilir. Müəllim qızlardan birinin yanına gəlib onun başına vurur. Zərbənin təsirindən uşaq skamyadan yıxılır.

Uşağın anası başqa valideynləri də bu hadisədən dərs almağa çağırıb. “Müdür müavininin yanına getdik, bizi sakitləşdirdi. Amma videoya baxandan sonra hüquq-mühafizə orqanları ilə əlaqə saxlamaq qərarına gəldik”, - deyə o bildirib.

Qadının sözlərinə görə, valideynlər zorakılıq xəbərini eşitdikdən dərhal sonra uşaqlarını həmin bağçadan götürüblər.

Uşaq bağçasının rəhbərliyi vəziyyətə münasibət bildirməyib.

Ayşən Rəhim