Sosial
Azərbaycan xalqına qarşı törədilmiş soyqırımlarla bağlı sərgi-konfrans keçirildi - FOTO
"Zəfər" Şəhid Ailələrinə Dəstək İctimai Birliyi, İzmir Azərbaycan Dərnəyi, Quba Soyqırımı Memorial Kompleksi və Azərbaycan Respublikasının Türkiyədəki Səfirliyinin birgə təşkilatçılığı ilə 15 aprel tarixində İzmir şəhərində yerləşən Ege Universitetində "Erməni problemi və XX əsrdə azərbaycanlılara qarşı törədilən qırğınlar və deportasiyalar" başlıqlı sərgi-konfrans keçirilib.
Publika.az xəbər verir ki, tədbir iki ölkənin dövlət himnlərinin səslənməsi və soyqırım qurbanlarının xatirəsinin 1 dəqiqəlik sükutla yad edilməsi ilə başlanıb. Tədbirin açılışında çıxış edən “Zəfər” Şəhid Ailələrinə Dəstək İctimai Birliyinin sədri Sevinc Orucova, İzmir Azərbaycan Dərnəyinin (İZAZDER) İdarə Heyətinin sədri Pərviz Altay, Ege Universitetinin prorektoru Prof. Dr. Mehmet Ersan və Azərbaycan Respublikasının Türkiyədəki Səfirinin Təhsil məsələləri üzrə müşaviri Nəcibə Nəsibova öz nitqlərində bu tədbirin keçirilməsində əsas məqsədin Azərbaycan xalqına qarşı törədilmiş soyqırımlar barədə Türkiyə ictimaiyyətinin ətraflı məlumatlandırılması və Azərbaycan həqiqətlərinin Türkiyə gənclərinə çatdırılmasından ibarət olduğunu vurğulayıblar.
Açılış nitqlərindən sonra panel müzakirələri başlayıb. Paneldə çıxış edən Quba Soyqırımı Memorial Kompleksinin direktoru, tarix üzrə fəlsəfə doktoru Rəxşəndə Bayramova, Quba Soyqırımı Memorial Kompleksinin mütəxəssisi, tarix üzrə fəlsəfə doktoru, dosent Sübhan Talıblı, Ege Universitetinin Türk Dünyası Araşdırmalar İnstitutunun Türk Dünyası Sosial, İqtisadi və Siyasi Əlaqələr şöbəsinin müdiri Prof. Dr. Vefa Kurban və Ege Universitetinin Atatürk Əsasları və İnqilab Tarixi Tətbiq və Araşdırma Mərkəzi müdiri Prof. Dr. Nuri Karakaş panel iştirakçılarına XX əsrdə azərbaycanlılara qarşı törədilmiş soyqırımlar barədə ətraflı məlumat veriblər.
Panel yerli ictimaiyyət və universitet tələbələri tərəfindən maraqla qarşılanıb.
-
Avropa19:50
Dünyaya gizli güclər tərəfindən göndərilən, ruhunu şeytana satan “PİVƏ QİYAMÇISI” - FOTO
-
Magazin119:00
Əli Mirəliyev yeni imicindan DANIŞDI: "Məndən ötrü ölənlər olub" - VİDEO
-
Kriminal18:00
Azərbaycandan qaçdığı düşünülən seksual manyak gizli şəkildə çobanlıq edirmiş
-
Sağlamlıq17:21
Xroniki baş ağrısına səbəb olur - Bu dərmanlar təhlükəlidir!
-
Kriminal17:00
Tələbənin maşını ilə dəhşətli qəza törədən gənc həbs edildi - FOTO
-
Cənubi Qafqaz16:40
Bu ölkə Avropanın İrəvana yardımını Bakıya görə blokladı - Ermənistana “soyuq duş”
-
Dəb16:27
Dünya qədər pulu var, amma sevgilisinə normal geyim ala bilmir? - FOTO
-
Nida Xəbər 15:58
Fransa daxili işlər nazirinin bu iddiaları əsassızdır - XİN