Sosial

Sərnişinlərin nəzərinə: Avtobusda ödəniş edərkən buna diqqət yetirin - FOTO

1 Oktyabr 2025 12:48

Məlum olduğu kimi, bu gündən ölkə ərazisində ictimai nəqliyyat üzrə yeni tariflərin tətbiqinə başlanılıb.

Publika.az xəbər verir ki, metro nəqliyyatında sərnişindaşıma xidmətinin tarifi bir gediş üzrə 60 qəpik, müasir tələblərə cavab verən və yalnız nağdsız ödəniş alətləri vasitəsilə fəaliyyət göstərən müntəzəm avtobus marşrutlarında sərnişindaşıma xidmətlərinin tariflərinin aşağı həddi 60 qəpikdir. Məsafədən asılı olaraq dəyişkən tarif tətbiq edilir.

Bu səbəbdən metro və avtobuslarda QR kodla ödəniş edən sərnişinlər diqqətli olmalıdır. Çünki QR kod ödənişlərində avtomatik olaraq 60 qəpik seçimi açılır. Lakin tariflər bütün avtobuslarda dəyişmədiyindən bir gedişin qiyməti 50 qəpik olan avtobuslardan istifadə edən sərnişinlər əvvəlki qiymət üçün seçim etməlidirlər.

Qeyd edək ki, bundan əvvəl yeni tariflərin tətbiq ediləcəyi avtobusların siyahısı açıqlanıb./ölkə.az