Sosial

“Azneft” İB 4 aydır işçilərin haqqını vermir, hüquqlarını pozur

30 Aprel 2026 11:59

“Azneft” İstehsalat Birliyi Neft Daşlarının özüllərdə zərərli işdə çalışan işçiləri 4 aydır gündəlik müalicə-profilaktik yeməklər, süd və ona bərabər tutulan məhsullarla təmin edilmir.

Publika.az Tribuna.az-a istinadən xəbər verir ki, bu barədə Neftçilərin Hüquqlarını Müdafiə Təşkilatının sədri Mirvari Qəhrəmanlı məlumat paylaşıb. O bildirib ki, işçilərin hüquqları pozulur:

“Bu barədə təşkilatımıza məlumat daxil olub. “Azneft” İB Neft Daşlarının özüllərdə zərərli işdə çalışan işçiləri 4 aydır ki, gündəlik müalicə-profilaktik yeməklər, süd və ona bərabər tutulan məhsullarla təmin edilmir. Əgər aldığım məlumat doğrudursa, bu, müvafiq qurum (məsul şəxs) tərəfindən Əmək Məcəlləsinin 215-ci maddəsinin pozulması deməkdir.
Məsul şəxslər bilməlidir ki, halda zərərli sahədə çalışan işçilərin sağlamlığına ziyan vurmuş olurlar. Onu da qeyd edim ki, süd, yaxud süd məhsulları bu işçilərə hər gün verilməlidir. Ayda bir dəfə yox”.